Uzcosmos va STAR.VISION giperspektral sun'iy yo'ldosh ma'lumotlari bo'yicha memorandum imzoladi

Uzcosmos va STAR.VISION giperspektral sun'iy yo'ldosh ma'lumotlaridan foydalanish bo'yicha hamkorlik memorandumini imzoladi. Kelishuvning asosiy mazmuni Samarqand 2028 sun'iy yo'ldoshi tasvirlari asosidagi amaliy yechimlarni sinovdan o'tkazish va ishlab chiqish bo'yicha qo'shma ishlardan iborat. Imzolash marosimida raqamli texnologiyalar vaziri Sherzod Shermatov, Uzcosmos direktori Shuhrat Qodirov va STAR.VISION Group bosh direktori Danying Fan qatnashdi. Memorandumga ko'ra, tomonlar giperspektral ma'lumotlarning qo'llanish sohalarini o'rganadi, ilmiy tadqiqot faoliyatini qo'llab-quvvatlaydi, yangi texnologiyalarni sinab ko'radi va yaratilgan yechimlarni tijoratlashtirish yo'lida ishlaydi. Uzcosmos ma'lumotiga ko'ra, bu hamkorlik O'zbekistonda kosmik texnologiyalar va sun'iy yo'ldosh ma'lumotlarini amalda qo'llash uchun yangi imkoniyatlar ochadi.

Source